Katrín og Árni Heimir á útvarpi Stam

Katrín Jakobsdóttir, forsætisráðherra, fór í gær í viðtal á útvarpsstöðina Radíó Stam, við Árna Heimi Ingimundarson, fyrrverandi formann Málbjargar, félags um stam á Íslandi. Árni Heimir rekur útvarpsstöðina á tíðninni FM 98,3, nú í vor, en hann hefur tekið stöðina áður og rætt við fjölda fólks um stjórnmál og samfélagsmál.

Tilgangur Radíó Stam er að vekja athygli á stami í samfélaginu. Katrín og Árni Heimir ræddu m.a. um íslensku þjóðarsálina, stöðu drengja í skólakerfinu og hvaða ráð hún myndi gefa sínum eigin sonum í ástarsorg.

Útvarpsverkefnið stendur til maíloka og þættina má einnig nálgast hér: https://www.mixcloud.com/radiostam/ og á Facebook síðu Radíó Stam þar sem viðtalið við forsætisráðherra er að finna: https://www.facebook.com/radiostam/