Áminning: Forval í Norðvesturkjördæmi verður endurtekið

Að gefnu tilefni er minnt á að forval VG í Norðvesturkjördæmi verður endurtekið. Kjörseðlar sem áður höfðu verið sendir út eru því ógildir. Nýir kjörseðlar verða sendir út fljótlega, en tilkynningar þess efnis er að vænta.

Eftirfarandi tilkynning var send út í síðustu viku:

“Vegna mistaka sem urðu við útgáfu og útsendingu kjörgagna, ákvað kjörstjórn í Norðvesturkjördæmi,  í samráði við formann flokksins, að senda út ný kjörgögn með skýrari leiðbeiningum og að fram fari  nýtt forval hið allra fyrsta. Ný kjörgögn verða send á  allra næstu dögum öllum sem skráðir voru félagar þann 21. ágúst sl. Kjörseðlar munu  verða í öðrum lit til frekari aðgreiningar. Svarsendingum sem borist hafa nú þegar,  verður eytt á viðeigandi hátt.

Fyrir hönd kjörstjórnar,

Steinunn Rósa Guðmundsdóttir, formaður.”