,

Fjölskylduborgin Reykjavík

Þó kannanir sýni að stór hluti ungs fólks vilji búa í Reykjavík og miðsvæðis er staðreyndin því miður sú að margt ungt fólk sem er að stofna fjölskyldu kýs að búa í nágrannasveitarfélögunum. Ástæðan er einföld: Húsnæðiskostnaður er of hár í Reykjavík, sérstaklega vegna þess hversu dýrt er að stofna og reka fjölskyldu.

Þessu verður að breyta. Reykjavík þarf að verða alvöru fjölskylduborg þar sem fólk getur ráðið hvort það býr í eigin húsnæði eða öruggu leiguhúsnæði á viðráðanlegu verði. Við þurfum aukið framboð á litlum og meðalstórum íbúðum sem henta ungum fjölskyldum og háskólanemum.

Vinstrihreyfingin – grænt framboð gerir sér grein fyrir þessu. Að okkar mati er algert forgangsatriði að íbúðir í þessum stærðarflokkum verði byggðar. En við þurfum að tryggja að verktakar og leigufélög peningamanna og braskara misnoti ekki húsnæðisskortinn til að græða á vanda ungra fjölskyldna, við þurfum að efla húsnæðissamvinnufélög og auðvelda Félagsstofnun stúdenta að leysa húsnæðisvanda háskólanema.

Þurfa fleira en húsnæði
Ef við viljum bæta kjör ungra fjölskyldna þurfum við hins vegar að horfa til fleiri þátta en húsnæðiskostnaðar. Kostnaður foreldra vegna leikskólagjalda, frístundastarfs, skólamáltíða og annarrar grunnþjónustu við börn er t.d. gríðarlega mikill. Gjaldheimta borgarinnar vegna eðlilegrar grunnþjónustu við börn er þungur útgjaldaliður hjá mörgum ungum fjölskyldum. Of þungur, því allt of margar efnalitlar fjölskyldur eiga í erfiðleikum með að borga fyrir skólamáltíðir og frístundastarf, og fyrir alla hina eru þessi gjöld mjög stór útgjaldaliður.

Við í Vinstrihreyfingunni – grænu framboði höfum því lagt mikla áherslu á að öll grunnþjónusta við börn verði í boði fyrir alla, óháð fjárhag eða stöðu.

Gjaldfrjálsa grunnþjónustu
Að bjóða upp á gjaldfrjálsa leikskóla, skólamat og tómstundastarf er ótrúlega mikilvægt fyrir samfélagið. Hærri tómstundastyrkur dugar ekki til. Við þurfum alvöru aðgerðir til að tryggja jöfnuð.

Slíkar aðgerðir bæta ótvírætt kjör allra fjölskyldna. Þær auka ráðstöfunartekjur barnafjölskyldna og losa efnaminnstu fjölskyldurnar við álagið sem fylgir því að eiga ekki fyrir reikningum vegna skólamatar eða frístundaheimilis.

Kæru Reykvíkingar, fáum ungar fjölskyldur til þess að flytja til Reykjavíkur. Gætum þess að aðstæður séu þannig að allir fái jöfn tækifæri til að blómstra. Setjum því X við V í vor.

Benóný Harðarson skipar 11. sæti á lista Vinstri grænna í Reykjavík
Greinin birtist fyrst á Vísi.is

,

Listi samþykktur á Akranesi

Listi Vinstrihreyfingarinnar – græns framboðs og óháðra á Akranesi var samþykktur fyrir stuttu.

Listann skipa:

  1. Þröstur Þór Ólafsson vélfræðingur
  2. Reynir Þór Eyvindsson verkfræðingur
  3. Elísabet Ingadóttir viðskiptafræðingur
  4. Hjördís Garðarsdóttir aðst. varðstjóri hjá Neyðarlínunni
  5. Guðrún Margrét Jónsdóttir eðlisfræðingur
  6. Jón Guðmundsson garðyrkjufræðingur
  7. Valgerður Helgadóttir háskólanemi
  8. Gunnur Hjálmsdóttir leikskólakennari
  9. Eygló Ólafsdóttir stuðningsfulltrúi FVA
  10. Björn Gunnarsson læknir
  11. Ólöf Samúelsdóttir félagsráðgjafi
  12. Inga Nína Jóhannsd rafeindavirkjanemi
  13. Elísabet Jóhannesdóttir kennari
  14. Ingibjörg Gestsdóttir þjóðfræðingur
  15. Guðundur Þorgrímsson kennari
  16. Jón Hjartarson hárskeri
  17. Rún Halldórsdóttir læknir
  18. Benedikt Sigurðsson kennari
,

Viðhorfið skiptir máli

„Sífellt fleiri á framfærslu borgarinnar“ – Þannig hljómar fyrirsögn á frétt sem vísir.is birti fyrir helgi. Samkvæmt fréttinni hefur þeim fjölgað sem hafa fullnýtt rétt sinn til atvinnuleysisbóta og að langtímaatvinnuleysi hafi aukist. Eftir hrun ákvað ríkisstjórn Samfylkingar og Vinstri grænna að lengja bótarétt atvinnuleysistrygginga úr þremur árum í fjögur. Sú ákvörðun hefur nú verið tekin til baka, því fjölgar þeim sem hafa fullnýtt bótarétt sinn, þó atvinnuástand hafi almennt batnað.

Vissulega er það rétt að langtímaatvinnuleysi hefur aukist sem skilar sér meðal annars í því að fleiri verða að leita á náðir sveitarfélaganna um framfærslu. Fjárhagsaðstoð sveitarfélaganna er öryggisnet sem grípur þá sem eiga ekki aðra möguleika til að framfleyta sér. Við erum ekki að tala um fólk sem gerir sér það að leik sínum að vera „á framfærslu“ samborgaranna. Við erum að tala um fólk sem á ekki í önnur hús að venda.

Áhyggjuefni
Það er auðvitað mikið áhyggjuefni að fleiri þurfi að nýta sér fjárhagsaðstoð sveitarfélaga, ekki síst vegna þess að það er birtingarmynd langtímaatvinnuleysis sem við þurfum að berjast gegn. Við gerum það með samstilltu átaki ríkis og sveitarfélaga og með verkefnum á borð við „Vinnandi vegur“ og „Liðstyrk“, sem hafa komið fjölda atvinnulausra út á vinnumarkaðinn.

Við þurfum að aðstoða langtímaatvinnulausa til virkni og þátttöku í samfélaginu en gerum það með jákvæðum og uppbyggjandi formerkjum. Tölum um að útrýma fátækt í stað þess að fækka þeim sem eru á „framfærslu“ sveitarfélaganna. Við þurfum fleiri úrræði fyrir atvinnuleitendur og fleiri störf. Umfram allt þurfum við að mæta fólki þar sem það er statt.

Skaðleg orðræða
Það er enginn hægðarleikur að lifa af rétt rúmum 156 þúsund krónum á mánuði. Við leysum ekki vandann með því að tala með niðrandi hætti um þá sem neyðast til að nýta sér fjárhagsaðstoð sveitarfélaga, eða með því að gera fjárhagsaðstoðina að vandamáli. Sú neikvæða orðræða um „afæturnar“ á samfélaginu er skaðleg. Hún brýtur niður sjálfsmynd þeirra sem nú þegar glíma við erfið vandamál og grefur undan grundvallargildum íslensks samfélags: Að allir skuli fá að lifa með reisn og að engum verði hent út á guð og gaddinn.

Elín Oddný Sigurðardóttir

Pistillinn birtist fyrst á Vísi.is

Listi samþykktur í Norðurþingi

V-listi samþykkti á opnum fundi 8. apríl 2014 framboðslista fyrir
sveitarstjórnarkosningar í sveitarfélaginu Norðurþingi vorið 2014.

v_listi_nordurthing_hopmynd

Listann
skipa 18 manns með ólíkan bakgrunn, 9 konur og 9 karlar.

  1. Óli Halldórsson, forstöðumaður, Húsavík
  2. Sif Jóhannesdóttir, þjóðfræðingur, Húsavík
  3. Trausti Aðalsteinsson, framkvæmdastjóri, Húsavík
  4. Aðalbjörn Jóhannsson, frístundafulltrúi, Reykjahverfi
  5. Kolbrún Ada Gunnarsdóttir, kennari, Húsavík
  6. Stefán Leifur Rögnvaldsson, bóndi, Öxarfirði
  7. Dögg Stefánsdóttir, forstöðumaður, Húsavík
  8. Ásrún Ósk Einarsdóttir, framhaldsskólanemi, Húsavík
  9. Röðull Reyr Kárason, ferðaþjónustustarfsmaður, Húsavík
  10. Ólöf Traustadóttir, framhaldsskólanemi, Húsavík
  11. Sigurður Ágúst Þórarinsson, bóndi, Reykjahverfi
  12. Sigríður Hauksdóttir, forstöðumaður, Húsavík
  13. Guðmundur H. Halldórsson, málarameistari, Húsavík
  14. Guðrún Sigríður Grétarsdóttir, stuðningsfulltrúi, Húsavík
  15. Aðalsteinn Örn Snæþórsson, líffræðingur, Kelduhverfi
  16. Sólveig Mikaelsdóttir, sérkennari, Húsavík
  17. Þórhildur Sigurðardóttir, kennari, Húsavík
  18. Kristján Pálsson, símvirki, Húsavík

Sveitarstjórnaráðstefna 2014

Sveitarstjórnaráðstefna Vinstri grænna fer fram laugardaginn 12.apríl og hefst klukkan 9.30 í Flensborgarskólanum Hafnarfirði. Öll velkomin!

Skráðu þig á ráðstefnuna hér

Dagskrá

09.30
Í upphafi kosningabaráttu. Katrín Jakobsdóttir, formaður VG.

10.00
Framtíðarhlutverk sveitarfélaga í umhverfismálum. – Helena Óladóttir.

10.40
Hin hljóða markaðsvæðing, skólakerfi á krossgötum! – Kristín Dýrfjörð

11.20
Samspil fjölmiðlunar og lýðræðis – Hrafnkell Lárusson.

12.00 – 13.00
Hádegishlé – Veitingastaðurinn Gló í Hafnarfirði býður 10 % afslátt fyrir þátttakendur sveitarstjórnarráðstefnunnar.

13.00
Áherslur VG í sveitastjórn, umræður og afgreiðsla. – Sóley Tómasdóttir.

14.30
„Hvernig er best að nýta félagsmiðla í kosningabaráttunni?“
Magnús Sveinn Helgason og Una Hildardóttir fjalla um hvernig er best að nýta félagsmiðla í kosningabaráttu, hvað ber að varast og algengustu mistökin.
Þátttakendur verða leiddir í gegnum notkun á helstu félagsmiðlum, skref fyrir skref. Fjallað verður um Facebook, Twitter, Instagram, Tumblr og Wikipediu og athugasemdakerfi fjölmiðlanna.

15.15
Kaffihlé

15.30
Talað af reynslu… Núverandi sveitarstjórnarmeðlimir segja frá góðum málum og árangri Vg í sveitarstjórn. Guðrún Ágústa Guðmundsdóttir, Edward Huijbens, Bjarni Jónsson og Þröstur Þór Ólafsson.

16.00
Lokaveganesti inn í kosningabaráttuna!

16.30
Dagskrárlok.

Fundarstjórar: Sóley Björk Stefánsdóttir og Ólafur Þór Gunnarsson.

VGR býður öllum þátttakendum til samsætis í Suðurgötu 3 um kvöldið. Þar verður boðið upp á matarmikið og gómsætt grænmetisréttahlaðborð Dóru í Culina á 1000 kr. Drykkjarföng á staðnum á viðráðanlegu verði. Húsið er opnað 19.00 og samsætið hefst 19.30 og lýkur á miðnætti.

,

Ríkisstjórnin gengur erinda atvinnurekenda

Stjórn Vinstri hreyfingarinnar-græns framboðs í Reykjavík mótmælir harðlega lögum þeim sem ríkisstjórn Framsóknar og Sjálfstæðisflokks hefur sett í vinnudeilu starfsmanna Herjólfs og Eimskips.

Það eru grundvallarréttindi vinnandi fólks að semja um kaup og kjör án þess að ríkisvaldið grípi inn í og dragi þannig taum atvinnurekenda.

Engir almannahagsmunir voru fyrir hendi sem réttlættu lagasetningu enda voru daglegir flutningar milli lands og eyja enn fyrir hendi.

Með rökstuðningi sínum leggur ríkisstjórn Íslands grunninn að lagasetningu gegn hverju einasta verkfalli sem einhver óþægindi skapa í samfélaginu.  Þar með hefur verkfallsrétturinn í raun verið afnuminn.

Stjórn VGR lýsir yfir samstöðu með öllu vinnandi fólki sem á í kjaradeilum og fordæmir harðlega  lagasetningu af þessu tagi.

,

Listi samþykktur í Hafnarfirði

V-listi Vinstrihreyfingarinnar – græns framboðs í Hafnarfirði var samþykktur nú fyrir stuttu á félagsfundi á Strandgötu.

Listann skipa:

  1. Guðrún Ágústa Guðmundsdóttir, Bæjarstjóri
  2. Elva Dögg Ásudóttir Kristinsdóttir, Lögmaður
  3. Sverrir Garðarsson, Háskólanemi og knattspyrnumaður
  4. Júlíus Andri Þórðarson, Verkefnastjóri og Háskólanemi
  5. Birna Ólafsdóttir, Skrifstofustjóri sjúkraliðafélags Íslands
  6. Gestur Svavarsson, Bankamaður
  7. Valgerður Fjölnisdóttir, Nemi
  8. Þorbjörn Rúnarsson, Framhaldsskólakennari
  9. Ragnheiður Gestsdóttir, Rithöfundur
  10. Daníel Haukur Arnarsson, Starfsmaður Vinstri grænna
  11. Birna Dís Bjarnadóttir, Leikskólakennari
  12. Hlynur Guðlaugsson, Prentari
  13. Fjölnir Sæmundsson, Rannsóknarlögreglumaður
  14. Ragnheiður Hjálmarsdóttir, Grunnskólakennari
  15. Árni Stefán Jónsson, Formaður SFR
  16. Elísabet Brand, Leiðsögumaður og íþróttakennari
  17. Sigurbergur Árnason, Arkítekt og leiðsögumaður
  18. Árni Áskelsson, Tónlistarmaður
  19. Hlíf Ingibjörnsdóttir, Framkvæmdarstjóri
  20. Kristbjörn Gunnarsson, Upplýsingatækniráðgjafi
  21. Jón Ólafsson, Framhaldsskólakennari og húsasmiður
  22. Rannveig Traustadóttir, Prófessor
,

Jórunn leiðir Eyjalistann

Jórunn Einarsdóttir, grunnskólakennari leiðir lista Eyjalistans sem býður fram í bæjarstjórnarkosningunum 31. maí næstkomandi.  Listinn býður fram undir listabókstafnum E.  Að Eyjalistanum standa Björt framtíð, Framsóknarflokkurinn, Samfylkingin, Vinstri hreyfingin – grænt framboð og óflokksbundnir og óháðir.  „Allir sem að Eyjalistanum standa eiga það sameiginlegt að vilja vinna að bættum hag Vestmannaeyja með sérstakri áherslu á jöfnuð og samvinnu á öllum sviðum. Hagsmunir heildarinnar verða það viðfangsefni sem listinn mun hafa að leiðarljósi,“ segir m.a. í tilkynningu frá Eyjalistanum,

Eyjalistinn:
1. Jórunn Einarsdóttir grunnskólakennari
2. Stefán Óskar Jónasson verkstjóri
3. Jóhanna Ýr Jónsdóttir sagnfræðingur
4. Gunnar Þór Guðbjörnsson tæknimaður
5. Auður Ósk Vilhjálmsdóttir rekstraraðili
6. Georg Eiður Arnarson sjómaður
7. Sonja Andrésdóttir matráður
8. Guðjón Örn Sigtryggsson bifreiðastjóri
9. Sigurlaug Björk Böðvarsdóttir sjúkraliði
10. Drífa Þöll Arnardóttir tvíburamóðir
11. Haraldur Ari Karlsson kvikmyndagerðarmaður
12. Hulda Sigurðardóttir húsmóðir
13. Jónatan Guðni Jónsson grunnskólakennari
14. Bergvin Oddsson skipstjóri

Reykjavíkurborg í átak gegn heimilisofbeldi

Reykjavíkurborg hefur samþykkt að ráðast í átak gegn heimilisofbeldi eftir að tillaga Vinstri grænna var samþykkt samhljóða í borgarstjórn. Sóley Tómasdóttir, borgarfulltrúi Vinstri grænna, lagði tillöguna fram. Umfjöllunarefni tillögunnar er að berjast gegn heimilisofbeldi með breyttu og bættu verklagi. Til þess að það megi ná fram að ganga skuli borgin leita samstarfs við önnur sveitarfélög, lögreglustjórann á höfuðborgarsvæðinu, Lögregluskólann og grasrótar- og stuðningssamtök. Horft verður sérstaklega til þess árangurs sem náðst hefur á Suðurnesjum og víða á Norðurlöndum.

Þegar Sóley mælti fyrir tillögu Vinstri grænna sagði hún:

„Áhrif heimilisofbeldis snúast ekki bara um líkamlega áverka, heldur einnig andlega líðan og sjálfsmynd og tækifæri fólks til atvinnuþátttöku, félagsstarfs og almennrar virkni í samfélaginu. Þannig verður að líta á heimilisofbeldi í samfélagslegu samhengi, það þarf að skoða þjóðhagsleg áhrif ofbeldisins og það þurfa allar stofnanir samfélagsins að vinna saman að því að uppræta það“.

Enn fremur sagði Sóley að brýn þörf væri á því að reikna út og kortleggja skaðann sem hlýst af heimilisofbeldi, ekki einungis þann andlega og líkamlega heldur einnig fjárhagslegan og þjóðfélagslegan skaða.

„Það er umhugsunarefni hvað er samfélagslega viðurkennt sem áhrifavaldar – og áhugavert að velta því fyrir sér hvaða þjóðhagslegu áhrif við könnum og hvaða áhrif við könnum ekki. Við vitum hver þjóðhagslegur kostnaður er af völdum umferðarslysa, við reiknum út þjóðhagslegan ávinning af því að flytja flugvelli og hver áhrif skuldaniðurfelling ríkisstjórnarinnar geta orðið á fjárhag sveitarfélaganna. En við reiknum ekki út áhrif heimilisofbeldis, sem eru augljós.“