Loading Events

« All Events

  • This event has passed.

Fundur Eldri VG 14. nóv

14 November - kl.20:00 - 22:00

Góði félagi

Með haustinu og lækkandi sól gefst tími til að skoða ýmsa hluti. Og við hittumst  kl. 20 þann 14. nóv. í Stangarhyl 4.  Byrjum með því að Svandís Svavarsdóttir greinir okkur stuttlega frá því sem henni er efst í huga um stöðuna í heilbrigðismálunum.

Þá er komið að því að fara aðeins yfir stöðuna í íslenskri dægurtónlist og það gerir Arnar Eggert á flippaðan en um leið strangfræðilegan máta enda af ætt Thoroddsena.

Mörgum er ljóst að listrænt fólk hefur tekist á við eitt og annað gegnum tíðina og  notað ýmis efni og blandað saman aðferðum til að framkvæma skemmtilegar hugmyndir, Harpa Björnsdóttir ætlar að lýsa fyrir okkur forvitnilegri útkomu af  slíkri  blöndun. Við fáum stuðning við val á söngvum frá einum þingmannanna okkar, Kolbeini Óttarssyni Proppé og ljóðið er á sínum stað.  Svo það er fjör í vændum.

 

  1. Svandís Svavarsdóttir heilbrigðisráðherra – er með puttana á stöðunni
  2. Dægurtónlistarmenning við ysta haf: Ísland og „þorpseinkennið“ Arnar Eggert Thoroddsen; félagsfræðingur, aðjúnkt við HÍ og doktorsnemi við Edinborgarháskóla heldur tölu um samfélag dægurtónlistarmanna á Íslandi, byggða á doktorsritgerð sinni um efnið. Þar leiðir hann í ljós einstaka virkni hins íslenska dægurtónlistarsamfélags, en ritgerðin byggir á tuga viðtala auk reynslu hans sem tónlistarblaðamanns í hartnær tvo áratugi.
  1. Saumað og málað í sama stykkið Harpa Björnsdóttir myndlistarmaður segir frá merkilegum kima listasögunnar
  2. Ljóð dagsins – Ragnheiður Jónsdóttir velur og flytur
  3. Og söngur eins og ævinlega – Reynir Jónasson og Björgvin Gíslason leika undir söngvum sem auðvitað allir kunna

Kaffihlé og kleinur um 9-leytið.  –  Sem fyrr er fólk minnt á að taka með sér gesti því fundirnir eru öllum opnir.  Næsti fundur er 12. des. Hittumst heil.

Ath. Unnið hefur verið að því að fækka pappírsfundarboðum en þau standa að sjálfsögðu líka til boða áfram. Og munið að netpóstsending gefur færi á að áframsenda einhverjum sem gæti haft gott af því að koma á fundina okkar  en veit kannski ekki af þeim.

 

Undirbúningshópurinn:

Bryndís 861 9186; Ragnheiður 864 3543; Sigurður Ingi Georgsson 8963940; Svanhildur

863 2354; Þóra Elfa 824 6518.

 __________________________

Almennt um fundina:

Eldri vinstri (EVG) græn hafa frá því í des. 2005 haldið hópinn og hist reglulega einu sinni í mánuði yfir vetrarmánuðina. Sjálfboðaliðar hafa undirbúið fundina og lagt áherslu á að  – auk spjalls yfir kaffibolla – sé jafnan eitthvað til fróðleiks og skemmtunar. Þessi tilhögun hefur mælst vel fyrir – Starfssvæði hópsins er óskilgreint, engin félagsgjöld en frjáls framlög í kaffisjóð til að standa undir útlögðum kostnaði. – Tilgangurinn er fyrst og fremst að miðla fróðleik og rifja upp ýmis áhugaverð efni sem liggja til hliðar við eða sem aðeins óbeint tengjast hinni daglegu pólitísku umræðu. Hér má nefna ýmis menningarmál, málefni sem tengjast baráttu launafólks, útgáfumál, bókmenntir og listir, menntamál, þjóðfrelsismál, alþjóðamál o. fl. – Skemmtiatriði af ýmsu tagi eru fastur liður, svo sem tónlistarflutningur og fjöldasöngur. – Stefnt er að því að fundunum ljúki að jafnaði um kl. 22.

Details

Date:
14 November
Time:
20:00 - 22:00