Forsætisráðherra skipar aðstoðarseðlabankastjóra

Katrín Jakobsdóttir, forsætisráðherra hefur skipað Rannveigu Sigurðardóttur í embætti aðstoðarseðlabankastjóra til fimm ára 1. júlí 2018.

Fjórtán sóttu um embættið.  Sérstök matsnefnd var skipuð til að meta hæfni umsækjenda. Nefndin mat fimm umsækjendur mjög vel hæfa til þess að hljóta embætti aðstoðarseðlabankastjóra, þau Daníel Svavarsson, Guðrúnu Johnsen, Jón Þ. Sigurgeirsson, Rannveigu Sigurðardóttur og Þorstein Þorgeirsson.

Rannveig Sigurðardóttir lauk fil. kand. prófi og meistaraprófi í hagfræði frá Gautaborgarháskóla og stundaði þar doktorsnám. Hún hefur frá árinu 2009 starfað sem aðstoðarframkvæmdastjóri hagfræði- og peningastefnusviðs Seðlabanka Íslands og verið ritari peningastefnunefndar, ásamt því að vera staðgengill aðalhagfræðings bankans. Rannveig starfaði áður sem hagfræðingur BSRB í um áratug og var aðalhagfræðingur ASÍ á árunum 1999-2002. Hún var ráðgjafi aðalhagfræðings Seðlabanka Íslands á árunum 2002-2004 og hefur verið forstöðumaður greiningar- og útgáfudeildar á hagfræði- og peningastefnusviði Seðlabanka Íslands síðastliðin 14 ár. Auk þess að stunda rannsóknir og kennslu hefur Rannveig ritað fjölda greina um efnahags- og peningamál og skyld efni. Nánar má kynna sér ráðningu ný aðstoðarseðlabankastjóra á vef forsætisráðuneytisins, en þar er umsögn matsnefndar um hæfni umsækjenda birt í heild.