Til róttækrar skoðunar – Hver á að selja áfengi

Athygli er vakin á opnum hádegisfundi í Iðnó kl.12 á laugardag þar sem tveir sérfræðingar sem sérstaklega hafa rannsakað hvaða þýðingu sölumáti á áfengi hefur á neyslu þess og síðan frekari afleiðingar. Hádegisfundurinn er öllum opinn.

Á fundinum er spurt: HVER Á AÐ SELJA ÁFENGI: HVAÐ SEGJA RANNSÓKNIR?

Frummælendur eru:

Hildigunnur Ólafsdóttir, afbrotafræðingur

Hlynur Davíð Löve, læknir

Fundarstjóri er Ögmundur Jónasson

Um frummælendur og erindi þeirra:

Hildigunnur er afbrotafræðingur, dr. philos frá Háskólanum í Osló; vann lengi við áfengisrannsóknir á geðdeild Landspítalans og var síðan sjálfstætt starfandi fræðimaður með starfsstöð í ReykjavíkurAkademíunni. Hún hefur rannsakað og birt efni á sviði áfengisrannsókna og afbrotafræði.

Heiti erindis Hildigunnar Ólafsdóttur er: Hvað segja rannsóknir um afnám einkasölu á áfengi?

Hlynur Davíð Löve, læknir á Landspítala háskólasjúkrahúsi lauk námi frá Kaupmannahafnarháskóla á síðasta ári og fjallaði útskriftarritgerð hans um algengi, nýgengi og dánartíðni áfengistengdra sjúkdóma og lífslíkur í Danmörku, Svíþjóð og Íslandi. Í ritgerðinni var sjónum beint að löggjöf og reglum í hverju landi og hver áhrif dreifingarmátinn hefði á sölu og neyslu áfengis og tíðni áfengistengdra sjúkdóma.

Heiti erindis Hlyns Davíðs Löve er: Mynstur áfengistengdra sjúkdóma í Svíþjóð, Danmörku og Íslandi og tengsl þeirra við löggjöf.

Gaman væri að sjá ykkur á fundinum!

https://www.facebook.com/events/1853109488310202/

https://www.facebook.com/events/1853109488310202/