Stjórn kjördæmisráðs Vinstri hreyfingarinnar græns framboðs í Suðurkjördæmi lýsir yfir eindregnum stuðningi við Svandísi Svavarsdóttur matvælaráðherra. Ákvörðun hennar um frestun hvalvertíðar þann 20. júní 2023 var tekin samkvæmt áliti Fagráðs um dýravelferð, sem byggt var á niðurstöðum eftirlits með veiðum Hvals hf. á vertíðinni 2022. Þessar niðurstöður sýndu algerlega óásættanlegar veiðiaðferðir þar sem stór hluti veiddra hvala var skotinn oftar en einu sinni. Slíkar veiðiaðferðir eru brot á lögum 55/2013 um velferð dýra. Því telur stjórn kjördæmisráðsins að ráðherra hafi ekki haft annar kost en að fresta veiðum og fara fram á úrbætur á veiðiaðferðum. Minnt er á að þrátt fyrir að hafa haft rúman tíma til úrbóta var álíka hátt hlutfall hvala skotinn oftar en einu sinni á vertíðinni í september 2023. Því má vera fullljóst að þessar veiðar verða seint framkvæmdar samkvæmt lögum um dýravelferð.
Stjórnin hvetur Svandísi til að halda áfram í matvælaráðuneytinu og vinna áfram að þeim góðu málum sem hún er að vinna að.