Á stjórnarfundi sem lauk rétt í þessu sagði Katrín Jakobsdóttir af sér formennsku í Vinstrihreyfingunni – grænu framboði.
Guðmundur Ingi Guðbrandsson, varaformaður, mun nú gegna embætti formanns í hennar stað þar til Vinstri græn kjósa sér nýja forystu. Jana Salóme Ingibjargar Jósepsdóttir ritari hreyfingarinnar verður staðgengill Guðmundar Inga sem varaformaður.
Stjórn Vinstrihreyfingarinnar græns – framboðs vill þakka Katrínu Jakobsdóttur fyrir hennar óeigingjarna starf í þágu hreyfingarinnar, í þágu þeirra hugsjóna sem við stöndum fyrir og allt það sem hún hefur lagt af mörkum í baráttunni fyrir þeim hugsjónum í íslensku samfélagi.
Stjórnin þakkar henni fyrir farsælt samstarf síðastliðin ár og við óskum henni góðs gengis í forsetaframboðinu.
Þá vill stjórn fyrir hönd hreyfingarinnar einnig þakka Katrínu fyrir hennar góða starf sem formaður hreyfingarinnar síðastliðin 11 ár, starf hennar sem varaformaður frá 2003 – 2013 og sem þingmaður og ráðherra hreyfingarinnar.
Stjórn Vinstri grænna.