Fæddur á Brúarlandi á Mýrum 28. mars 1977. Foreldrar: Guðbrandur Brynjúlfsson (fæddur 30. apríl 1948) og Snjólaug Guðmundsdóttir (fædd 14. nóvember 1945).
Stúdentspróf MA 1997. Hússtjórnarpróf frá Hússtjórnarskólanum í Reykjavík 1997. BSc-próf í líffræði frá HÍ 2002. Mastersgráða í umhverfisfræðum frá Yale-háskóla í Bandaríkjunum 2006.
Rannsóknir á vegum líffræðideildar HÍ 1999–2000 og Veiðimálastofnunar á Hólum í Hjaltadal sumrin 2000–2002 og 2004–2005. Landvörður á Þingvöllum 2003. Stundakennari í nokkrum námskeiðum við Háskóla Íslands, Landbúnaðarháskóla Íslands og Háskólasetur Vestfjarða á árunum 2006–2017. Starfaði hjá Landgræðslu ríkisins við alþjóðamál og rannsóknir 2006–2008 og hjá Stofnun Sæmundar fróða, Háskóla Íslands, við rannsóknir og verkefnastjórnun 2008–2011. Landvörður í Vatnajökulsþjóðgarði 2009–2011 og 2014. Umsjónarmaður meistaranáms í umhverfis- og auðlindafræði hjá HÍ á vorönn 2010. Framkvæmdastjóri Landverndar 2011–2017.
Í stjórn Vinstrihreyfingarinnar – græns framboðs 2007–2009. Tók þátt í að stofna Félag umhverfisfræðinga á Íslandi, fyrsti formaður félagsins 2007–2010. Formaður Félags Fulbright-styrkþega á Íslandi 2017–2018.
Umhverfis- og auðlindaráðherra frá 2017 til 2021.
Varaformaður VG frá október 2019.
Þingmaður Suðvesturkjördæmis frá september 2021
Félagsmála- vinnumarkaðsráðherra frá nóvember 2021