Guðmundur Ingi Guðbrandsson, umhverfis- og auðlindaráðherra, leiðir lista Vinstri hreyfingarinnar græns framboðs í Suðvesturkjördæmi, en listinn var samþykktur á fjölsóttum fundi í Hátíðasal Flensborgarskóla í dag. Una Hildardóttir, varaþingmaður og forseti LUF er í öðru sæti. Ólafur Þór Gunnarsson, læknir og alþingismaður er í þriðja sæti. Hann hlaut annað sætið í forvalinu en færist niður um eitt, í anda laga VG. Valgerður Bláklukka Fjölnisdóttir, þjóðfræðinemi er í fjórða sæti, í fimmta er Þóra Elfa Björnsson, setjari og framhaldsskólakennari í Kópavogi og aldursforseti listans.
Guðmundur Ingi Guðbrandsson, oddviti listans, sagðist þakklátur fyrir að vera treyst fyrir því að leiða lista hreyfingarinnar. Byggt yrði á góðum verkum ríkisstjórnar Katrínar Jakobsdóttur og sterkum málefnagrunni Vinstri Grænna sem berjast fyrir réttlátara og jafnara samfélagi, grænum gildum, með kvenfrelsi- og friðarstefnu að leiðarljósi.
Katrín Jakobsdóttir, forsætisráðherra og Ólafur Þór Gunnarsson, alþingsmaður ræddu stjórnmálin í aðdraganda kosninga.
1. Guðmundur Ingi Guðbrandsson, umhverfis- og auðlindaráðherra
2. Una Hildardóttir, varaþingmaður og forseti LUF
3. Ólafur Þór Gunnarsson, læknir og alþingismaður
4. Valgerður Bláklukka Fjölnisdóttir, þjóðfræðinemi
5. Þóra Elfa Björnsson, setjari og framhaldsskólakennari
6. Július Andri Þórðarson, stuðningsfulltrúi/háskólanemi
7. Bjarki Bjarnason, rithöfundur og forseti bæjarstjórnar í Mosfellsbæ
8. Elín Björk Jónasdóttir, veðurfræðingur
9. Fjölnir Sæmundsson, araþingmaður og formaður Landsambands lögreglumanna
10. Anna Þorsteinsdóttir, þjóðgarðsvörður
11. Sigurður Loftur Thorlacius, umhverfisverkfræðingur
12. Guðrún Ágústa Guðmundsdóttir, grunnskólakennari og fyrrv. bæjarstjóri í Hafnarfirði
13. Árni Matthíasson, netstjóri mbl.is, rithöfundur og stjórnarm í Kvennaathvarfinu
14. Birte Harksen, leikskólakennari, Íslensku Menntaverðlaunin 2021
15. Gunnar Kvaran, sellóleikari
16. Elva Dögg Ásu og Kristinsdóttir, lögfræðingur og myndlistarkona
17. Sigurbjörn Hjaltason, bóndi
18. Elsa Sigríður Þorvaldsdóttir, iðjuþjálfi
19. Ingvar Arnarson, bæjarfulltrúi Garðabæ, B.Sc í íþróttafræði
20. Anna Ólafsdóttir Björnsson, fyrrv. þingmaður kvennalista, tölvunar – og sagnfræðingur
21. Einar Ólafsson, íslenskufræðingur
22. Ragnheiður Júlía Ragnarsdóttir, deildarstjóri leikskóla
23. Gestur Svavarsson, upplýsingatækniráðgjafi
24. Aldís Aðalbjarnardóttir, kennari
25. Einar Bergmundur Þorgerðar og Bóasson, hugbúnaðarsérfræðingur
26. Þuríður Backman, fyrrverandi alþingismaður