Search
Close this search box.

Aðgerðaáætlun til fimm ára

Deildu 

Nú hef­ur önn­ur aðgerðaáætl­un um fram­kvæmd heil­brigðis­stefnu verið lögð fram á Alþingi. Áætl­un­in gild­ir fyr­ir árin 2021-2025 og á sér stoð í þings­álykt­un um heil­brigðis­stefnu til árs­ins 2030 en sam­kvæmt heil­brigðis­stefnu skal upp­færð aðgerðaáætl­un til fimm ára lögð fyr­ir þingið ár hvert. Áætl­un­in er tengd við fjár­laga­vinnu Alþing­is á hverj­um tíma og tek­ur mið af helstu áskor­un­um og áherslu­verk­efn­um í heil­brigðismál­um. Um fjórðung­ur fjár­heim­ilda rík­is­sjóðs renn­ur til heil­brigðismála svo mik­il­vægt er að for­gangsraða fjár­mun­um til mála­flokks­ins þannig að þjón­ust­an verði sem öfl­ug­ust fyr­ir okk­ur öll.

Í aðgerðaáætl­un­inni eru sett fram þau meg­in­mark­mið að kaup á heil­brigðisþjón­ustu tryggi að fjár­mun­um sé varið til þeirr­ar þjón­ustu sem mest er þörf fyr­ir á hverj­um tíma, að nýtt þjón­ustu­tengt fjár­mögn­un­ar­kerfi verði tekið í notk­un fyr­ir op­in­ber sjúkra­hús og sam­bæri­lega einka­rekna þjón­ustu, að nauðsyn­leg­ar kröf­ur séu gerðar um aðgengi, gæði og ör­yggi sjúk­linga og að not­end­ur heil­brigðisþjón­ustu hafi gott aðgengi að upp­lýs­ing­um til að taka upp­lýst­ar ákv­arðanir um val á heil­brigðisþjón­ustu. Að lok­um eru til­greind meg­in­verk­efni til að ná þeim mark­miðunum sem lýst er í áætl­un­inni.

Aðgerðaáætl­un­in hef­ur verið send stjórn­end­um stofn­ana sem heyra und­ir heil­brigðisráðuneytið og starfs­áætlan­ir stofn­ana fyr­ir árið 2021-2022 ættu að end­ur­spegla hana. Einnig hef­ur starfs­áætl­un heil­brigðisráðuneyt­is­ins fyr­ir árið 2020 verið birt. Mark­visst starf heil­brigðis­stofn­ana lands­ins og far­sæl inn­leiðing embætt­is land­lækn­is á gæðaáætl­un í heil­brigðisþjón­ustu er lyk­ill­inn að ár­ang­urs­ríkri inn­leiðingu þess­ar­ar fimm ára aðgerðaáætl­un­ar.

Í sam­ræmi við fyrri aðgerðaáætl­un heil­brigðis­stefnu, fyr­ir árin 2019 –2023, og mark­mið heil­brigðis­stefnu hef­ur á síðustu miss­er­um verið unnið að því að skýra ákveðna grunnþætti inn­an heil­brigðis­kerf­is­ins. Þegar hafa verið gerðar breyt­ing­ar á lög­gjöf um heil­brigðisþjón­ustu í þessu skyni og hún sam­ræmd heil­brigðis­stefnu þannig að lög­gjöf­in er nú skýr­ari og af­drátt­ar­laus­ari um hlut­verk heil­brigðis­stofn­ana og þeirra sem veita heil­brigðisþjón­ustu. Efnt var til heil­brigðisþings í fyrra þar sem hófst und­ir­bún­ing­ur að gerð þings­álykt­un­ar­til­lögu um þau siðferðilegu gildi sem hafa skuli að leiðarljósi við for­gangs­röðun í ís­lenskri heil­brigðisþjón­ustu og var þings­álykt­un­in samþykkt á Alþingi í júní síðastliðnum. Stefnt er að því að boða einnig til heil­brigðisþings síðar á þessu ári.

Nú hafa ný áherslu­verk­efni og mark­mið í heil­brigðismál­um verið skil­greind í hinni nýju aðgerðaáætl­un og þar með tök­um við fleiri mik­il­væg skref í því stóra verk­efni að koma heil­brigðis­stefnu til árs­ins 2030 til fram­kvæmda.

Svandís Svavarsdóttir, heilbrigðisráðherra.

Vinstrihreyfingin – grænt framboð

Túngötu 14

101 Reykjavík

vg@vg.is

KT: 421298-2709

Þessi síða styðst við vafrakökur (cookies) til að bæta virkni síðunnar. Með því að vafra um síðuna samþykkir þú notkun þeirra.

Search