Eva Dögg tekur við þingmennsku

Á þingfundi í dag tók Eva Dögg Davíðsdóttir við þingmennsku af Katrínu Jakobsdóttur. Í upphafi þingfundar í dag þann 8. apríl las forseti Alþingis upp bréf frá Katrínu þar sem hún sagði af sér þingmennsku. Við þingmennskuafsal Katrínar Jakobsdóttur tekur Eva Dögg Davíðsdóttir sæti hennar á Alþingi og verður 7. þm. Reykjavíkurkjördæmis norður en Steinunn Þóra Árnadóttir verður 2. þingmaður kjördæmisins. Eva Dögg er eins og stendur í fæðingarorlofi og tekur því René Biasone, nú fyrsti varaþingmaður VG í Reykjavíkurkjördæmi Norður, sæti í hennar stað.

Við óskum Evu Dögg til hamingju og bjóðum hana velkomna til starfa!