Forval VG í Norðausturkjördæmi hefst klukkan 00.00 á miðnætti og stendur 13. – 15. febrúar. Forvalinu lýkur tólf á miðnætti mánudaginn 15. febrúar. Forvalið er rafrænt og hægt er að kjósa með rafrænum skilríkjum eða íslykli. Leiðbeiningar eru á vg.is og þar kemst fólk inn á kosninguna. Kjörstjórn VG í kjördæminu fær úrslitin í hendur og fundar um þau snemma á þriðjudagsmorgun.
Úrslit forvalsins verða birt formlega á heimasíðu VG fyrir hádegi 16. febrúar og fréttatilkynning verður send á fjölmiðla.
Úrslit forvalsins er bindandi, að öðru leyti en því, að tryggja skal að ekki halli á konur á listanum. Þá skal tryggt að ekki séu færri en tvö af hvoru kyni í fimm efstu sætum listans. Kjörstjórn Norðausturkjördæmis stillir svo upp 20 manna framboðslista að teknu tilliti til aldursdreifingar, kyns, búsetu, uppruna, starfs osfrv. þannig að listinn endurspegli samfélagið sem best. Framboðslisti VG í Norðausturkjördæmi verður lagður fram til samþykktar á kjördæmisþingi fyrir lok mars.
Tólf gefa kost á sér í fimm efstu sætin í forvali VG í Norðausturkjördæmi. Nánari upplýsingar um frambjóðendur má finna á vg.is. Sóley Björk Stefánsdóttir, formaður kjörstjórnar veitir allar upplýsingar um kosninguna og upplýsingamiðlun að forvali loknu. Einnig má hafa samband við skrifstofu VG, Björgu Evu Erlendsdóttur vakni spurningar um framkvæmd forvalsins nú yfir helgina. 1037 félagar í VG eru á kjörskrá VG í Norðausturkjördæmi. Þá má nálgast allar upplýsingar um forvalið á heimasíðu vg.is og heimasíðu vg í Norðausturkjördæmi. nordaustur.vg.is
Sóley Björk Stefándóttir, formaður kjörstjórnar VG í NA- kjördæmi. S. 844 1555
Björg Eva Erlendsdóttir, framkvæmdastjóri V. S. 896 1222