Forval á framboðslista Vinstri grænna í Reykjavík verður haldið dagana 16. til 19. maí.
Forvalið fer fram með rafrænum hætti og verður kosið í fjögur efstu sætin á framboðslista hreyfingarinnar til Alþingis í Reykjavíkurkjördæmum Suður og Norður. Forvalið hefst klukkan 8:00 sunnudaginn 16. maí og lýkur klukkan 17:00 miðvikudaginn 19. maí.
Kjörstjórn hvetur alla félaga sem áhuga hafa til að bjóða sig fram. Framboðum skal skila til kjörstjórnar með tölvupósti í netfangið reykjavik@vg.is og rennur framboðsfrestur út klukkan 17:00 sunnudaginn 25. apríl 2021.
Um forvalið gilda reglur Vinstri hreyfingarinnar – græns framboðs um uppstillingu og forval sem samþykktar voru á landsfundi 2017 og lög hreyfingarinnar að öðru leyti. Kjörstjórn mun birta nánari upplýsingar um forvalið síðar, en fyrirspurnum og ábendingum er hægt að koma framfæri við kjörstjórn í netfangið reykjavik@vg.is.