Search
Close this search box.

Fyrstu umræðu lokið um breytingar á stjórnarskrá.

Deildu 

Í kvöld lauk fyrstu umræðu um frumvarp Katrínar Jakobsdóttur um breytingar á stjórnarskrá. Frumvarpið er fjórir kaflar og inniheldur breytingar á forseta- og framkvæmdarvaldskaflanum, ný ákvæði um umhverfis- og náttúruvernd, auðlindir í þjóðareign og loks íslenska tungu og íslenskt táknmál. 

Í framsögu sinni fór Katrín yfir forsögu málsins, rakti ferlið og þá miklu vinnu sem hefði átt sér stað, auk þess að fjalla efnislega um inntak ákvæða frumvarpsins og mikilvægi breytinganna. Hún lauk máli sínu með því að segja:
„Það er nægur tími til stefnu og til vinnunnar sem hér er undir hefur verið vandað og hún er vel ígrunduð. Því vil ég ítreka að ég vona svo sannarlega að þetta Alþingi nái að ljúka ákveðnum breytingum á stjórnarskrá sem vonandi verða svo staðfestar af nýju þingi. Mér finnst við skulda samfélaginu að ljúka slíkum breytingum. Ég dreg þann lærdóm af reynslu síðustu ára þar sem ég sat í þeirri ríkisstjórn sem átti frumkvæðið að stofnun stjórnlagaráðs á sínum tíma að það sé mikilvægt að gera þetta í áföngum. Ég tel að þannig munum við ná árangri í þessum breytingum. Mín upplifun af góðu samtali við formenn og fulltrúa flokka vekur mér vonir um að við munum geta lokið slíkum breytingum og ég held að þá værum við að gera þjóðinni mikið gagn.“


Áhugaverðar umræður urðu í þingsal og tóku hátt á þriðja tug þingmanna þátt í þeim. Frumvarpið gengur nú til stjórnskipunar- og eftirlitsnefndar sem mun taka málið til meðferðar. 

Vinstrihreyfingin – grænt framboð

Túngötu 14

101 Reykjavík

vg@vg.is

KT: 421298-2709

Þessi síða styðst við vafrakökur (cookies) til að bæta virkni síðunnar. Með því að vafra um síðuna samþykkir þú notkun þeirra.

Search