Search
Close this search box.

Heimsfundur kvennasamtaka sem berjast gegn kynbundnu og kynferðislegu ofbeldi í Hörpu í ágúst 2021

Deildu 

Alþjóðleg kvennasamtök sem berjast gegn kynferðislegu og kynbundnu ofbeldi og áreitni munu halda heimsfund í Hörpu 16.-18. ágúst næstkomandi undir yfirskriftinni Reykjavík Dialogue, renewing activism to end violence against women.

Ríkisstjórnin samþykkti á alþjóðlegum baráttudegi kvenna, 8. mars 2020, að styrkja fundinn. Þá hefur  Reykjavíkurborg einnig samþykkt að styðja við fundinn.

Katrín Jakobsdóttir, forsætisráðherra:

”Kynferðislegt og kynbundið ofbeldi er skýrasta birtingarmynd misréttis og bæði orsök þess og afleiðing. Barátta kvennahreyfingarinnar og samstarf hennar við samtök víða um heim hefur sannarlega verið íslensku samfélagi til heilla. Þessi fundur er liður í sameiginlegri baráttu okkar til að uppræta hverskyns kynbundið og kynferðislegt ofbeldi og áreitni gegn konum og stúlkum í samræmi við heimsmarkmið Sameinuðu þjóðanna.”

Heimsfundur af þessum toga var síðast haldinn í Brighton á Englandi 1996, ári eftir að Peking-yfirlýsingin um kynjajafnrétti var samþykkt á fjórðu kvennaráðstefnu Sameinuðu þjóðanna. Tuttugu og fimm árum áður, eða 1976, höfðu samtök kvennahreyfingarinnar komið saman til baráttufundar í Brussel þegar alþjóðlega ráðstefnan International Tribunal on Crimes against Women var haldin við upphaf kvennaáratugar Sameinuðu þjóðanna. Og nú 25 árum síðar þykir við hæfi að  kvennasamtök komi saman og taki þátt í umræðu um kynbundið og kynferðislegt ofbeldi gegn konum á alþjóðavettvangi. 

Alþjóðleg verkefnisstjórn með þátttöku fulltrúa hvaðanæva að skipuleggur dagskrá fundarins og eru Stígamót fulltrúar Íslands. Í tengslum við fundinn verður haldin ráðstefna sem skipulögð er í samstarfi við forsætisráðuneytið og Rannsóknastofu í jafnréttisfræðum við Háskóla Íslands.

Viðburðunum verða streymt og verður þátttaka í Hörpu háð þróun heimsfaraldurs COVID-19. 

Allar nánari upplýsingar má nálgast hér: reykjavikdialogue.is

Vinstrihreyfingin – grænt framboð

Túngötu 14

101 Reykjavík

vg@vg.is

KT: 421298-2709

Þessi síða styðst við vafrakökur (cookies) til að bæta virkni síðunnar. Með því að vafra um síðuna samþykkir þú notkun þeirra.

Search