Hugrekki og metnaður í loftslagsmálum

Við Vinstri græn lögðum nauð­syn­­leg­an grunn að fram­­förum í lofts­lags­­mál­um á kjör­­tíma­bil­inu eftir pólitískan doða áranna á undan. En við viljum taka stærri skref og hlaupa hraðar til að ná enn frekari árangri. Ný­lega kynntu Ungir um­hverfis­sinnar Sólina, ein­kunnir fyrir stefnur stjórn­mála­flokkanna í um­hverfis­málum. Stefna VG fékk næst­hæstu ein­kunn allra flokka. Einungis munaði 0,9 stigum á fyrsta og öðru sætinu. At­kvæði greitt VG er at­kvæði greitt árangri í lofts­lags­málum með náttúru­vernd í önd­vegi. Það höfum við sýnt. Við í VG sjá­um tæki­­fær­in sem fel­ast í breytt­um heimi með lág­kol­efnis­hag­kerfi, sterku hring­rás­ar­hag­­kerfi, græn­um störf­um og lofts­lags­vænni ný­­sköp­un.

VG vill að Ís­land setji sér sjálf­stætt mark­mið um sam­drátt í losun um að minnsta kosti 60% árið 2030 og að landið verði óháð jarð­efna­elds­neyti í síðasta lagi árið 2045. Við viljum að um­skiptin yfir í grænt hag­kerfi verði rétt­lát og sann­gjörn. Við viljum banna olíu­leit og olíu­vinnslu við Ís­land og efla al­mennings­sam­göngur og hjól­reiðar. Við viljum tryggja sjálf­bæra nýtingu lands og halda á­fram að efla endur­heimt vot­lendis, því þannig getum við dregið stór­kost­lega úr losun Ís­lands. Við viljum auka land­græðslu og skóg­rækt enn frekar og binda þannig meira kol­efni úr and­rúms­loftinu.

Á kjör­tíma­bilinu höfum við snúið blaðinu við í lofts­lags­málum og lagt grunn að lofts­lags­vænni fram­tíð með fjölda að­gerða. Munurinn á Vinstri grænum og öðrum stjórn­mála­flokkum þegar kemur að um­hverfis­málum er sá að við munum eftir náttúru­verndinni. Við viljum ná orku­skiptum í öllum geirum án þess að ráðast í ó­á­sættan­legar fórnir á stór­brotinni náttúru Ís­lands. Án inn­grips­mikilla virkjana sem skerða víð­erni og sökkva landi. Og það er vel hægt. Hægri- og miðju­flokkar gefa að venju lítið fyrir náttúru­verndina og minna hefur heyrst frá öðrum flokkum vinstra megin í pólitík hvað hana varðar.
VG boðar aukinn metnað og hug­rekki til að takast á­fram á við lofts­lags­málin af krafti með náttúru­vernd í önd­vegi. Það skiptir máli hver stjórnar.

Guðmundur Ingi Guðbrandsson, umhverfis- og auðlindaráðherra skipar 1. sæti á lista VG í Suðvesturkjördæmi