Katrín ávarpaði heimsþing Aljóðajarðhitasambandsins

Heimsþing Alþjóðajarðhitasambandsins stendur nú yfir í Reykjavík. Katrín Jakobsdóttir ávarpaði þingið og segir það mikinn heiður fyrir Ísland að vera gestgjafi þessa þings „…og það var mikill heiður fyrir mig að fá að ávarpa setningarathöfn þingsins. Loftslagsváin er yfir og alltumlykjandi í umræðum um orkumál. Þessi ráðstefna minnir okkur á hve mikilvæg ákvörðun það var fyrir íslenskt samfélag að byggja upp hitaveitu á sínum tíma en víðast hvar fer stór hluti orkuframleiðslu til húshitunar fram með brennslu kola, olíu eða jarðgass. Þá hafa Íslendingar náð miklum árangri með því að framleiða rafmagn með jarðhitavirkjunum. Þó að losun frá jarðvarmavirkjunum sé nokkur er notkun jarðhita loftslagsvænn kostur miðað við að nota jarðefnaeldsneyti. Þar eru líka tækifæri til að draga úr losun með því að dæla koldíoxíði úr jarðhitagufu aftur niður í jörðu eins og gert er á Hellisheiði í hinu merkilega Carbfix-verkefni. Ég ræddi loftslagsvána, þróun jarðvarma og auðvitað sundlaugar og heita potta í opnunarávarpinu.“