Katrín Jakobsdóttir: Gera það sem gera þarf í tímabundnum þrengingum.

Deildu 

Katrín Jakobsdóttir, forsætisráðherra í mbl.is „Það er ljóst að við stönd­um frammi fyr­ir þreng­ing­um. Þær verða tíma­bundn­ar. Rík­is­stjórn­in mun gera það sem þarf til þess að við get­um kom­ist stand­andi niður úr þess­um hremm­ing­um,“ sagði Katrín Jak­obs­dótt­ir for­sæt­is­ráðherra á Alþingi í dag, en hún var spurð út í viðbrögð vegna kór­ónu­veirunn­ar og ferðabanns til Banda­ríkj­anna.Frétt af mbl.isÞing­fund­ur í beinni

Rík­is­stjórn­in mun koma sam­an til fund­ar í há­deg­inu og í kjöl­farið eiga fund með for­mönn­um stjórn­ar­and­stöðuflokk­ana til að fara yfir stöðuna. Á morg­un munu stjórn­völd funda með aðilum vinnu­markaðar­ins til að fara yfir stöðuna. Ætl­un­in var að hafa þann fund í dag en vegna ákvörðunar Trumps Banda­ríkja­for­seta um að setja á ferðabann var ákveðið að fresta þeim fundi til morg­uns. 

Þurfa að kynna frek­ari aðgerðir

Katrín benti á, að staða þjóðarbús­ins sé allt önn­ur en hún var árið 2008. Nú sé gjald­eyr­is­vara­forðinn öfl­ug­ur, skulda­hlut­fallið lágt, viðskipta­jöfnuður já­kvæður og skuld­setn­ing heim­ila og at­vinnu­lífs sem miklu minni en fyr­ir 12 árum. 

Hún benti á að rík­is­stjórn­in hafi í vik­unni kynnt fyrstu aðgerðir til að styðja fyr­ir fyr­ir­tæk­in í land­inu sem skipti líka máli fyr­ir fólkið í land­inu. „Fyr­ir­tæk­in í land­inu eru ekk­ert annað en fólkið sem þar vinn­ur,“ sagði ráðherra. 

Katrín tók fram að aðgerðirn­ar sem voru kynnt­ar á þriðju­dag­inn hafi ein­göngu verið þær fyrstu. „Við mun­um þurfa frek­ari aðgerðir í vinnu­markaðsmá­l­um, fé­lags­leg­um stöðug­leika og að sjálf­sögðu fjár­fest­ingu til að tryggja það að við kom­umst stand­andi niður. Það mun­um við gera.“

Verður ekki auðvelt

Logi Ein­ars­son, þingmaður Sam­fylk­ing­ar­inn­ar, sem beindi fyr­ir­spurn sinni til ráðherra, fagnaði sam­ráði stjórn­valda með stjórn­ar­and­stöðunni. Hann tók fram að það væri verk­efni alls þings­ins að gera allt sem í valdi þess stend­ur til að vernda fólkið í land­inu, heim­ili og fyr­ir­tæki. 

Katrín kveðst vera sam­mála því að það skipti miklu máli hvernig stjórn­mál­in tak­ist á við þann vanda sem blasi við. „Við skul­um ekki draga nein dul á það að þetta verður ekki auðvelt. En, eins og ég sagði hér í mínu fyrra svari, þá stönd­um við mjög vel til að tak­ast á við erfiðleik­ana og þeir verða tíma­bundn­ir.“

Það skipti miklu að það sem verði gert sé rétt­látt, skyn­sam­legt og þjóni hags­mun­um heild­ar­inn­ar. „Það skipt­ir miklu máli að við eig­um sem allra best sam­ráð eft­ir því sem við get­um, og það mun­um við leggja okk­ur fram um. Við vit­um líka að við mun­um aldrei verða sam­mála um allt en ég hef þá trú á þing­heimi að hér sé fólk reiðbúið til að hefja sig yfir argaþras dags­ins til þess að tak­ast á við þetta sem varðar þjóðina alla.“

Vinstrihreyfingin – grænt framboð

Túngötu 14

101 Reykjavík

vg@vg.is

KT: 421298-2709

Þessi síða styðst við vafrakökur (cookies) til að bæta virkni síðunnar. Með því að vafra um síðuna samþykkir þú notkun þeirra.