Kæru félagar
Fyrir rúmlega níu árum síðan skráði ég mig í þessa hreyfingu og mikið vatn hefur runnið til sjávar síðan. Ég sat lengi í stjórn Ungra vinstri grænna sem m.a. talsmaður hreyfingarinnar, alþjóðafulltrúi og innrastarfsfulltrúi. Undanfarin tvö ár hef ég setið í stjórn Vinstri grænna í Reykjavík og á dögunum var ég kjörinn formaður svæðisfélagsins. Þá hef ég setið í stjórn VG á landsvísu, starfað sem kosningastjóri og starfsmaður í kosningabaráttu. Ég er þó hvergi nær hættur að aðstoða hreyfinguna. Ég hef því ákveðið að sækjast eftir embætti gjaldkera VG á komandi landsfundi.
Á þeim níu árum sem ég hef starfað innan hreyfingarinnar hefur mikið gerst en fyrst og fremst hefur hreyfingin sýnt það að hún er alvöru burðarafl í íslenskum stjórnmálum. Við höfum sýnt það í þessari ríkisstjórn að það skiptir máli að Vinstrihreyfingin grænt framboð sitji við ríkisstjórnarborðið. Það er gífurlega mikilvægt að fram að næstu þingkosningum sé stjórn hreyfingarinnar öflug og skelegg svo að Vinstri græn verði aftur við ríkisstjórnarborðið eftir næstu kosningar. Ég hef fyllstu trú á því að ég geti sinnt gjaldkera embættinu vel og örugglega.
Ég vona því kæru félagar að þið treystið mér til að takast á við þetta mikilvæga embætti.
Sjáumst á landsfundi!