Rósa Björk er skýrsluhöfundur og talskona gegn ofbeldi og misnotkun á börnum á flótta. Þau eru talin vera 19 milljónir um allan heim og hafa aldrei verið fleiri.
Í yfirlýsingunni eru evrópskar ríkisstjórnir – þar með talið íslenska ríkisstjórnin, hvattar til bráðaaðgerða strax til að veita börnum á flótta aðstoð, sérstaklega vegna Covid-19 faraldursins.
„Evrópsk stjórnvöld, í samvinnu við mannúðarsamtök,ættu að gera allt sem í sínu valdi stendur til að koma í veg fyrir stríðsátök sem reka fólk á flótta og setja fjármuni í mannúðaraðstoð til að hjálpa löndum sem eru þjökuð af fátækt og neyð vegna stríðsátaka og loftlagsbreytinga“ segir Rósa Björk í yfirlýsingu sinni.