Rúnar Gíslason var á landsfundi Vinstrihreyfingarinnar – græns framboðs í dag kjörinn gjaldkeri hreyfingarinnar. Rúnar hlaut 117 atkvæði af 192 eða 60,94 prósent greiddra atkvæða. Ragnar Auðun Árnason sem einnig var í framboði hlaut 69 atkvæði eða 35,94 prósent. Sex skiluðu auðu.
Rúnar starfar sem lögreglumaður á Sauðárkróki. Hann hefur verið formaður svæðisfélags, setið í stjórn VG og verið í framboði fyrir flokkinn, bæði í sveitarstjórnar- og alþingiskosningum.