Samtal umleiðarljós – samráðsfundur í formi vinnustofu

Deildu 

Á fimmtu­dag­inn næst­kom­andi, 20. ág­úst, boða ég til sam­ráðsfund­ar í formi vinnu­stofu, í sam­starfi við for­sæt­is-, dóms- og mennta­málaráðuneyti, með lyk­ilaðilum af hinum ýmsu sviðum sam­fé­lags­ins. Mark­mið fund­ar­ins er að ræða áfram­hald­andi stefnu og aðgerðir vegna Covid-19 til lengri tíma litið. Efnt er til sam­ráðsins í sam­ræmi við til­lögu sótt­varna­lækn­is. Mark­miðið er að að stilla sam­an strengi og móta áhersl­ur sem geti nýst í áfram­hald­andi vinnu við mót­un aðgerða vegna Covid-19 á næstu miss­er­um. Vegna sótt­varna­sjón­ar­miða verður fjöldi þátt­tak­enda tak­markaður en þeim mun meiri áhersla verður lögð á það að öll sem vilja og hafa áhuga geti tekið þátt í fund­in­um á net­inu.

Streymt verður beint frá fund­in­um á vef Stjórn­ar­ráðsins, auk þess sem mögu­legt verður að senda at­huga­semd­ir og spurn­ing­ar inn á fund­inn yfir netið. Afurð fund­ar­ins verður svo gerð aðgengi­leg á sam­ráðsgátt stjórn­valda eft­ir þingið, og þar verður einnig hægt að senda inn at­huga­semd­ir. Sam­ráðsfund­ur­inn mark­ar því upp­haf sam­ráðs við al­menn­ing og lyk­ilaðila af hinum ýmsu sviðum, en alls ekki enda­punkt.

Á fund­in­um verða haldn­ar vinnu­stof­ur sem hver og ein fjall­ar um stöðuna vegna Covid-19 á af­mörkuðum sviðum, áhrif og af­leiðing­ar sótt­varnaaðgerða hingað til og hvernig sjá megi framtíðina fyr­ir sér svo lengi sem kór­ónu­veir­an set­ur mark sitt á sam­fé­lagið. Í lok­in verður pall­borð þar sem þátt­tak­end­ur draga sam­an meg­in­lær­dóm­inn af fund­in­um og hvernig megi nýta sam­ráðið áfram þannig að sem best sé hægt að taka til­lit til marg­vís­legra aðstæðna og ólíkra hags­muna.

Við vit­um ekki hve lengi kór­ónu­veir­an verður áhrifa­vald­ur í sam­fé­lag­inu og verðum að búa okk­ur und­ir að lifa með henni til lengri tíma. Til þess að okk­ur tak­ist það sem best er mik­il­vægt að stjórn­völd hafi sem gleggsta mynd af áhrif­um þeirra sótt­varn­aráðstaf­ana á líf al­menn­ings sem hingað til hef­ur verið beitt. Hingað til höf­um við á Íslandi borið gæfu til þess að taka ákv­arðanir sem eru til­tölu­lega lítið íþyngj­andi fyr­ir sam­fé­lagið, en aðgerðirn­ar hafa óhjá­kvæmi­lega haft áhrif á líf og at­vinnu nán­ast allra lands­manna. Því er mik­il­vægt að fá að heyra það beint frá ein­stök­um hóp­um hvernig áhrif­in hafa birst þeim og hvað hef­ur verið mest íþyngj­andi, hvernig fólk sér fyr­ir sér framtíðina í óbreyttu ástandi, hverj­ar séu helstu áskor­an­irn­ar, hvort og hvað sé unnt að gera til að lág­marka rösk­un á dag­legu lífi fólks og gera það bæri­legra svo eitt­hvað sé nefnt.

Ég hvet ykk­ur öll til þess að fylgj­ast með fund­in­um í streymi á vef Stjórn­ar­ráðsins og taka þátt í hon­um á net­inu. Sam­ráðsfund­ur­inn er bara upp­haf mik­il­vægs sam­ráðs og ég vona að sem flest taki þátt svo við fáum fram sem flest sjón­ar­mið.

Svandís Svavarsdóttir, heil­brigðisráðherra

Vinstrihreyfingin – grænt framboð

Túngötu 14

101 Reykjavík

vg@vg.is

KT: 421298-2709

Þessi síða styðst við vafrakökur (cookies) til að bæta virkni síðunnar. Með því að vafra um síðuna samþykkir þú notkun þeirra.