Ein af aðgerðum ríkisstjórnarinnar í tengslum við síðustu kjarasamninga er sérstakur vaxtastuðningur til þeirra sem áttu íbúðarhúsnæði til eigin nota árið 2023 og uppfylla ákveðin viðmið um tekjur og skuldastöðu.
Ólíkt vaxtabótum er sérstakur vaxtastuðningur ekki greiddur út, heldur er fjárhæðinni ráðstafað inn á lán vegna íbúðarhúsnæðis til eigin nota.
Ekki þarf að sækja um sérstakan vaxtastuðning en upphæðin er birt á álagningarseðli á skattur.is.
Sérstakur vaxtastuðningur getur að hámarki orðið 150.000 kr. hjá einhleypum, 200.000 kr. hjá einstæðu foreldri og 250.000 kr. hjá hjónum og sambýlisfólki.
Ert þú búin/n/ð að skoða þína stöðu á skattur.is?