Svandís Svavarsdóttir. Auðlindin okkar um allt land.

Deildu 

Samræðufundir á landsbyggðinni eru hluti verkefnisins Auðlindin okkar sem Svandís Svavarsdóttir matvælaráðherra setti á laggirnar í maí sl. Tilgangur verkefnisins er að greina áskoranir og tækifæri í sjávarútvegi og tengdum greinum ásamt því að meta þjóðhagslegan ávinning fiskveiðistjórnunarkerfisins. 

Í ljósi reynslu af endurskoðun á fiskveiðilöggjöfinni á undanförnum árum og áratugum varð niðurstaða matvælaráðherra sú að beita þyrfti nýrri nálgun við þær fjölmörgu áskoranir og tækifæri sem eru í sjávarútvegi og snerta samfélagið allt með beinum og óbeinum hætti. Í stað einnar stórrar pólitískrar nefndar var komið á laggirnar opnu, þverfaglegu og gagnsæju verkefni fjölmargra aðila sem unnið verður með skipulegum hætti á kjörtímabilinu.

Samræðufundirnir eru mikilvægur hluti þessarar nálgunar og er ætlað að vera vettvangur umræðu og skoðanaskipta. Leitað er eftir að kynnast viðhorfum, skoðunum og þekkingu fundargesta fremur en að setið sé fyrir svörum.

Fundirnir verða haldnir á eftirtöldum stöðum:

  • Edinborgarhúsinu Ísafirði, 25. október kl. 17:00–19:00
    Fundarstjóri: Gylfi Ólafsson, formaður bæjarráðs Ísafjarðarbæjar
  • Valhöll Eskifirði, 1. nóvember kl. 17:00–19:00
    Fundarstjóri: Stefán Þór Eysteinsson, formaður bæjarráðs Fjarðabyggðar
  • Akóges-salnum Vestmannaeyjum, 8. nóvember kl. 17:00–19:00
    Fundarstjóri: Íris Róbertsdóttir, bæjarstjóri í Vestmannaeyjum
  • Hofi Akureyri, 15. nóvember kl.  17:00–19:00
    Fundarstjóri: Ásthildur Sturludóttir, bæjarstjóri á Akureyri

Fundunum verður streymt á helstu miðlum og vefsíðu verkefnisins, audlindinokkar.is.

Verkefnið Auðlindin okkar hófst í júní með skipun fjögurra starfshópa, SamfélagAðgengiUmgengni og Tækifæri ásamt samráðsnefnd. Greinargerð hefur verið birt í samráðsgátt  um stöðu vinnu við sjávarútvegsstefnu matvælaráðherra og gefst þar öllum kostur á að koma á framfæri hugmyndum og athugasemdum sem nýst geta við stefnumótunina. Frestur til að veita umsögn er til og með 20. nóvember 2022. Gert er ráð fyrir að endanlegar afurðir úr verkefninu líti dagsins ljós sem frumvörp til Alþingis vorið 2024.

Nánari upplýsingar má finna á audlindinokkar.is. Þar má einnig finna myndbönd með ávörpum formanna starfshópa ásamt yfirgripsmiklu gagnasafni sem inniheldur lög, dóma, fumvörp, álit og úrskurði sem varða sjávarútveg.

Öll þau sem hafa áhuga og láta sig málefni auðlindarinnar og sjávarútvegsins varða eru hvött til að mæta.

Vinstrihreyfingin – grænt framboð

Túngötu 14

101 Reykjavík

vg@vg.is

KT: 421298-2709

Þessi síða styðst við vafrakökur (cookies) til að bæta virkni síðunnar. Með því að vafra um síðuna samþykkir þú notkun þeirra.