Árétting frá kjördæmisráði Norðvesturkjördæmis
Forval VG í Norðvesturkjördæmi fer fram rafrænt helgina 23., 24. og 25. apríl. Kosning hefst á miðnætti 23. apríl og stendur til kl. 17.00 þann 25. apríl. Hún stendur því allan föstudaginn, allan laugardaginn og fram til kl. 17.00 á sunnudeginum. Framboðsfrestur rennur út við lok dags 1. apríl. Áður hafði verið sagt á „miðnætti þann 2. apríl“ en til að taka af allan vafa þá verður tekið við framboðum til kl. 23:59 að kvöldi hins 1. apríl.
Við hvetjum alla félaga í Norðvesturkjördæmi til að kynna sér málið og taka þátt í forvalinu, eða senda kjörstjórn ábendingar um mögulega frambjóðendur.
Kosið verður um fimm efstu sæti á listanum, þar af bindandi í efstu þrjú en í samræmi við forvalsreglur VG. Kjörstjórn óskar eftir því að framboðsyfirlýsingum fylgi fullt nafn, titill og sæti á lista sem sóst er eftir.
Þá mun kjörstjórn taka við tilnefningum almennra félaga um frambjóðendur fram til 26. mars. Tilnefningar og yfirlýsingar um framboð sendist á netfangið nordvestur@vg.is
Atkvæðisbær í forvalinu eru öll þau sem skráð eru í hreyfinguna í kjördæminu 10 dögum fyrir kjörfund eða 13. apríl.