13. maí 2020

VG stofnmeðlimur í Progressive International: nýju alþjóðlegu bandalagi vinstri hreyfinga um allan heim

Share on facebook
Share on twitter

Katrín Jakobsdóttir, forsætisráðherra og formaður Vinstrihreyfingarinnar – græns framboðs hefur tekið sæti í ráðgjafaráði Progressive International, sem er nýtt alþjóðlegt bandalag vinstri hreyfinga um allan heim. VG er stofnmeðlimur í bandalaginu og verður fyrsti fundur ráðgjafaráðsins haldinn á Íslandi í haust.

Ráðgjafaráðið var kynnt í byrjun þessarar viku þegar samtökin opnuðu vefsíðu sína. Í ráðinu sitja stjórnmálamenn, aðgerðasinnar og fræðimenn frá öllum heimshornum. Meðal þeirra eru Noam Chomsky, Naomi Klein, Arundhati Roy, Yanis Varoufakis og Fernando Haddad.

Á vefsíðunni er jafnframt birt ávarp Katrínar þar sem hún fjallar um þörfina á alþjóðlegu bandalagi vinstri hreyfinga, meðal annars til að mæta uppgangi hægri öfgaafla sem þrátt fyrir þjóðernissinnaðan áróður, starfa saman þvert á landamæri. Slík öfl leitist nú við að nýta sér krísuna vegna kórónuveirunnar til að festa sig í sessi, hvort sem er til að skerða réttindi kvenna til aðgengis að þungunarrofi eða til að herða áróður gegn innflytjendum og minnihlutahópum. Á slíkum tímum sé samstaða framsækinna afla lykilþáttur. Progressive International sé kjörinn vettvangur til þess að byggja upp slíka hreyfingu, móta stefnuna og skipast á hugmyndum um samfélagslegar breytingar.

Ávarp Katrínar á ensku má finna hér

Nánari upplýsingar um Progressive International

Þessi síða styðst við vafrakökur (cookies) til að bæta virkni síðunnar. Með því að vafra um síðuna samþykkir þú notkun þeirra.