Á fundi félaga V-lista VG og óháðra í Norðurþingi sem fram fór í gær, var lögð fram bókun þar sem áhyggjum er lýst af gangi mála í sveitarstjórn Norðurþings. Í bókuninni er sett út á forgangsröðun tíma og verkefna við verkstjórn sveitarstjóra.
Fundur félaga V-lista VG og óháðra í Norðurþingi 13. jan. 2022 leggur fram eftirfarandi bókun: „Lýst er áhyggjum af gangi mála í sveitarstjórn Norðurþings. Margt hefur áunnist á líðandi kjörtímabili en undanfarin misseri hefur mikil starfsorka fulltrúa V-lista farið í eftirfylgni þeirra mála sem framboðið hefur staðið fyrir og hefur forgangsröðun tíma og verkefna verið ábótavant við verkstjórn sveitarstjóra. Fundurinn telur mjög brýnt að á næstu vikum verði lögð áhersla á að auka traust og bæta samstarf á vettvangi sveitarstjórnar Norðurþings.“
Aldey Traustadóttir er sveitarstjórnarfulltrúi Vinstri grænna í Norðurþingi.
Vikublaðið fjallar nánar um málið.