Kæra félagsfólk!

Við erum í stjórnmálaflokki til að hafa áhrif á stjórn landsins og láta gott af okkur leiða, þar skipta ykkar skoðanir sannarlega máli!

Við kynnum hér tvö gullin tækifæri til áhrifa og koma skoðunum ykkar á framfæri hvað varðar félagslegt réttlæti, umhverfisvernd, kvenfrelsi og jöfnuð.

Í fyrsta lagi Landsfund Vinstri hreyfingarinnar – græns framboðs, sem haldinn verður á Akureyri helgina 17. – 19. mars nk.

Þar mótum við stefnu flokksins til næstu tveggja ára. Þar hefur félagsfólk völdin – leggur línurnar fyrir þingmenn okkar og ráðherra.

Stjórnarsáttmálinn byggir t.d. á samþykktum síðustu landsfunda.

Landsfundurinn er opinn öllu félagsfólki VG – en til að hafa þar atkvæðisrétt þurfa félagsmenn tilnefningu síns svæðisfélags.

Þið sem viljið koma á landsfundinn og hafa þar öll völd þurfið að senda okkur í stjórn VG á Suðurnesjum línu fyrir 17. febrúar nk.

Þið getið annað hvort sent okkur póst eða hringt í okkur: Hólmfríði í síma 820-3140 (holmfridura@gmail.com)  eða Þorvald í síma 895-6841 (valdurorn@simnet.is).

Landsfundir eru magnaðar samkomur – gaman að hitta fólk alls staðar af landinu með sömu áhugamál og fá tækifæri til að ræða okkar hjartans mál – og hafa áhrif!

Nánari upplýsingar hér:  https://landsfundur.vg.is/ 

Í öðru lagi verður aðalfundur félagsins okkar fimmtudaginn 2. mars kl. 17 í Bistro salnum á Hótel Keflavík. Gestir úr þingflokki verða á fundinum.