Aðalfundur VG á Austurlandi 12. mars.

12. mar
kl. 17:00
í húsi Ferðafélags Fljótsdalshéraðs

Svæðisfélag VG á Austurlandi auglýsir aðalfund föstudaginn 12.mars 2021 kl. 17:00 í húsi Ferðafélags Fljótsdalshéraðs að Tjarnarási, Egilsstöðum.  

Félagar í Fjarðabyggð og Múlaþingi mætið endilega til skrafs og ráðagerða. 

Hefðbundin aðalfundarstörf og samvera að lokinni dagskrá.

Sjá nánar á  vg.is og facebooksíðu svæðisfélagsins.

Hlökkum til að sjá ykkur

Stjórnin 

Dagskrá

1. Skýrsla stjórnar

2. Ársreikningar félagsins

3. Stjórnarkjör (kosið er árlega, óskað er eftir framboðum)

4. Kjör tveggja skoðunarmanna reikninga

5. Lagabreytingar (tvær tillögur að breytingum á samþykktum félagsins)

6. Önnur mál (tvö mál liggja fyrir önnur mál velkomin)

Undir lagabreytingar eru tvær tillögur að breytingum sem lagt er fyrir fundarmenn. Þær varða:

2. grein

Aðild að félaginu eiga allir félagar í Vinstrihreyfingunni – grænu framboði sem búa í Fjarðabyggð, Fljótsdal og í nýju sveitarfélagi á Fljótsdalshéraði, Seyðisfirði, Djúpavogi og Borgarfirði eystra.

Breytist í

Aðild að félaginu eiga allir félagar í Vinstrihreyfingunni – grænu framboði sem búa í Fjarðabyggð, Fljótsdal og Múlaþingi.

6. grein

Ritari félagsins heldur gjörðabók og skal fundargerð samþykkt í lok fundar og undirrituð af stjórn. Getið skal í fundagerðabók annarra funda eða viðburða sem haldnir eru á vegum félagsins.

Breytist í

Ritari félagsins heldur gjörðabók og skal fundargerð samþykkt af stjórn. Getið skal í árlegri skýrslu stjórnar um aðra fundi og/eða viðburði sem haldnir eru á vegum félagsins.

Undir önnur mál m.a.

Kjörbréf á Landsfund 7.-9.maí

Sumarferð svæðisfélagsins á Austurlandi í júlí, tillaga að ferð í Vöðlavík/Gerpissvæðið.

Þessi síða styðst við vafrakökur (cookies) til að bæta virkni síðunnar. Með því að vafra um síðuna samþykkir þú notkun þeirra.