Aðalfundur Vinstrihreyfingarinnar – græns framboðs í Kópavogi fer fram fimmtudaginn 26. janúar kl. 17. Staðsetning fundarins er í sal Hjallakirkju – aðalinngangur. Guðmundur Ingi Guðbrandsson, er gestur fundarins.

Á dagskrá eru hefðbundin aðalfundarstörf og val landsfundarfulltrúa vegna landsfundar VG sem verður á Akureyri 17.-19. mars 2023.

Tillögur um breytingar á lögum, lagðar fram af stjórn félagsins:

I

6. gr. Í stað annarrar og þriðju málsgreina:

 „Fundarboð skal vera í blaði félagsins, næst á undan aðalfundi. Aðalfund má einnig boða með útvarpsauglýsingu, auglýsingum í blöð, á vefsíðu flokksins, með tölvupósti eða bréflega.“

komi:

„Aðalfund skal boða með auglýsingu á vefsíðu VG eða þeim boðleiðum öðrum sem hreyfingin býður upp á auk annarra leiða eftir því sem aðstæður leyfa.“

II

6. gr. 7. töluliður:

Í stað orðins „nýrrar“ komi „fráfarandi“.

Liðurinn verður þá svona: „Afgreidd tillaga fráfarandi stjórnar um félagsgjald fyrir næsta starfsár. Við ákvörðun þess hverju sinni skal tekið mið af ákvörðun flokksstjórnar VG um lágmarksárgjald.“

III

9. gr. Í stað þriðju málsgreinar:

„Fundarboð getur verið með útvarpsauglýsingu, auglýsingum í blöð, á vefsíðu félagsins eða með tölvupósti.“

komi:

„Félagsfundi skal boða með auglýsingu á vefsíðu VG eða þeim boðleiðum öðrum sem hreyfingin býður upp á auk annarra leiða eftir því sem aðstæður leyfa.“

IV

13 gr.: Falli niður

V

14 gr. verði 13. gr.

Ábendingar eða framboð til stjórnar og/eða landsfundarfulltrúa berist til stjórnar á netfangið vgkopavogur@gmail.com. Einnig er hægt að leggja fram tillögur á fundinum ef samþykki viðkomandi liggur fyrir.

Guðmundur Ingi Guðbrandsson, varaformaður VG og félags- og vinnumarkaðsráðherra, verður gestur fundarins.