Veturinn þokast áfram og komið að marsfundinum sem verður þann 13. kl. 20 í Stangarhyl 4. Við sveiflum okkur milli heimsálfa, veðurbelta og tímabila. Bjarka Þór Grönfeldt var boðið að heimsækja Kína fyrir nokkru og er fróðlegt að fylgjast með hans ferð en Bjarki hefur nýlokið meistaranámi í stjórnmálasálfræði. Þá eru ekki síður merkilegar ferðir Vigfúsar Sigurðssonar sem kallaður hefur verið Grænlandsfari en þær voru á allt öðrum tíma og við allt önnur skilyrði. Svo eru það áhyggjur kóngsins yfir Íslandi, eiginlega á sama tíma og Vigfús var að ferðast, hvað skyldi hafa legið á honum? Þingmaðurinn Kolbeinn Óttarsson Proppé ætlar að velja með okkur söngvana og taka undir með hljóðfæraleikurunum okkar og það gerum líka öll.
- Kína á 10 dögum – Bjarki Þór Grönfeldt skrifstofustjóri VG rekur ferðasögu og hugleiðingar.
- Kongen gør sig sine tanker – Borgþór S. Kjærnested leiðsögumaður, túlkur og blaðamaður lítur upp úr grúskinu.
- Vigfús Sigurðsson Grænlandsfari og ferðir hans – Árni Hjartarson jarðfræðingur segir frá.
- Og söngur eins og ævinlega – Reynir Jónasson og Björgvin Gíslason leika undir söngvum sem auðvitað allir kunna.
Kaffihlé og kleinur um 9-leytið. – Sem fyrr er fólk minnt á að taka með sér gesti því fundirnir eru öllum opnir. Næsti fundur er 10. apríl.
Hittumst heil.