Góði félagi
Við stefnum að vori og síðasta fundi vetrarins sem verður 10. apríl kl. 20 í húsnæði FEB að Stangarhyl 4. Í upphafi mun umhverfis- og auðlindaráðherrann okkar ávarpa okkur og segja ögn frá hvernig málin standa. Hinn víðförli og athuguli Ari Trausti ætlar að segja okkur frá Suðurskautslandinu og hver hefur komið þangað? Þá mun Hildigunnur Hafsteinsdóttir segja frá sérstökum bókaklúbbi sem hefur það að markmiði að lesa eina bók frá hverju landi heimsins og er þar ekki allt sem sýnist. Að vanda mun þingmaðurinn Kolbeinn Óttarsson Proppé velja með okkur söngvana og taka undir með hljóðfæraleikurunum okkar sem við gerum líka öll.
- Úr umhverfis- og auðlindaráðuneytinu – Guðmundur Ingi Guðbrandsson ráðherra segir fréttir þaðan.
- Suðurskautslandið, svo langt í burtu – Ari Trausti þingmaður skreppur suður á bóginn í myndum og máli.
- Bækur, lönd og tungumál – Hildigunnur Hafsteinsdóttir lögfræðingur segir frá skemmtilegum klúbbi.
- Og söngur eins og ævinlega – Reynir Jónasson og Björgvin Gíslason leika undir söngvum sem auðvitað allir kunna.
Kaffihlé og kleinur um 9-leytið. – Sem fyrr er fólk minnt á að taka með sér gesti því fundirnir eru öllum opnir. Næsti fundur verður í haust þann 9. okt.
Hittumst heil.
Ath. Unnið hefur verið að því að fækka pappírsfundarboðum en þau standa að sjálfsögðu líka til boða áfram. Og munið að netpóstsending gefur færi á að áframsenda einhverjum sem gæti haft gott af því að koma á fundina okkar en veit kannski ekki af þeim.
Undirbúningshópurinn:
Bryndís 861 9186; Ragnheiður 864 3543; Sigurður Ingi Georgsson 8963940; Svanhildur
863 2354; Þóra Elfa 824 6518; Þuríður Backman 8619031.