Vinstrihreyfingin – grænt framboð í Suðvesturkjördæmiauglýsir eftir frambjóðendum til að taka sæti á lista hreyfingarinnar í tilefni af alþingiskosningunum 25. september 2021.

Forval verður um fimm efstu sætin skv. forvalsreglum flokksins.

Kosningin verður rafræn og fer hún fram dagana 15.- 17. apríl 2021.

Framboðsfrestur er til miðnættis, miðvikudaginn 24. mars 2021.

Tilkynna skal framboð skriflega til kjörstjórnar á netfangið sudvestur@vg.is. 

Kjörstjórn staðfestir móttöku framboðsins.

Hugmyndir eða ábendingar um frambjóðendur má senda á sama netfang. 

Frestur til að stinga upp á frambjóðendum er til miðnættis, miðvikudaginn 17. mars 2021.

Allt baráttufólk um stefnumál VG, svo sem um félagslegan jöfnuð, kvenfrelsi, lýðræði, velferðarmál, atvinnumál, umhverfis- og loftslagsmál og friðarstefnu flokksins er hvatt til að gefa kost á sér.

Kjördæmisstjórn Suðvesturkjördæmis annast kynningu á frambjóðendum með sérstöku kynningarefni og opnum fundum. 

Forvalsreglur má nálgast á heimasíðu www.vg.is